REPRESENTANTE gikan sa Brgy Carmen nga si Jezza May S. Albeos migulang kampyeon sa Bongga ka Nay! 2025 pageant, atol sa Women's Month Culmination, adlaw’ng Huwebes, Marso 27, nga gipahigayon sa Amphitheater, ning siyudad.

 

Sa laing bahin, nakuha ni Joanna Marie Villegas sa Barangay Consolacion and 2nd place ug 3rd Runner-Up si Llyde Jessie Mae Carcosa sa Barangay Balulang.

 

Mismo si City Gender and Development Focal Point System Vice Chairperson Sheila Lumbatan, City Mayors Office Legal Consultant Atty. Melanie Cabanlas, Office for Community Affairs Department Manager Cyril Ranile, City Social Welfare and Development Department Officer Anecia Tongson, ug Job Placement Bureau - Public Employment Service Office PESO Manager Kathleen Kate 'Kitkat' Sorilla ang mitunol sa ilang mga award.

 

Ang Bongga ka Nay usa ka tinuig nga pageant nga gitanyang alang sa mga 'empowered' nga inahan sa mga kabaranggayan.

 

Kini inisyatiba sa City GFPS uban sa tumong nga mapabati sa katawhan nga bisan pa man ang babae usa na ka inahan, kini pwede gihapon mosalmot sa mga pageant. (NLB/CIO/photos by Roel Felicitas/CIO)