SA tinguha nga matabangan ug maabagan ang mga mag-uuma, ang administrasyon ni Mayor Rolando Klarex Uy pinaagi sa City Agriculture Office (CAO) miapod-apod og napulo ka baka ngadto sa napulo usab ka asosasyon sa mga mag-uuma bag-ohay lamang.

 

Ang mga benepisyaryo mao ang Magayad Higaonon Integrated Abaca Farmers Association (MAHINAFA); Man-ai Integrated Agro-Forestry Farmers Agriculture Cooperative (MINAFFA); Bankers Farmer Irrigation and Communal Water System Association (BAFICWAS); Balongkot Tribal Integrated Farmers Association; Bulua Farmers Association; Taglimao Irrigators Farmers Association, Inc.; Tuburan United Farmers and Consumers Coop.; Tumpagon Upland Farmers Association; Sinunop Farmers Association, ug Mosoboso ECCG Garfish Association.

 

Gipasabot ni Engr. Paterno Gonzales, Dep’t Manager sa CAO nga dako kini og tabang ngadto sa mga mag-uuma diha sa ilang trabaho sa pagpanguma ilabina sa bakilid nga bahin diin dili makaya sa farm machinery.

 

Magamit nila ang baka diha sa pag-andam sa yuta sa dili pa kini magtanom ingon man sa paghakot usab sa mga produkto gikan sa ilang kaumahan.

 

Alayon niini, mapasalamaton ang mga benepisyaryo kang Mayor Klarex sa iyang makanunayon nga pag-atiman kanila nga mga mag-uuma ug mahatagan og kasayon ang ilang panginabuhi. (ALR/CIO/Photos from CAO)