Nahimong overall champion ang Green Werewolves sa duha ka adlaw nga ‘Scholars Cup’ nga gipasiugdahan sa City Education and Development Office (CEDO), Marso 29- 30, diha sa Xavier University - Ateneo de Cagayan college campus, ning siyudad.

 

1st placer ang Cluster E Blue Raven samtang 2nd placer ang Cluster F Yellow Falcons.

 

Lakip sa mga dula sa Scholars’ Cup mao ang E-games sama sa Call of Duty ug Mobile Legends; Larong Pinoy sama sa sack race, tug of war, tumbang preso ug dodge ball; ball games sama sa volleyball, badminton, basketball; mind games sama sa chess, scrabble, trivia ug quiz bee.

 

Gipahigayon usab ang pinakaunang cheerdance competition. Gawas sa mga dula, gihatagan usab sa atensyon ang mga talento sa mga city scholars diin gipahigayon ang hiphop competition ug talent expo.

 

Naglaum si CEDO Department Manager Richel Petalcurin-Dahay nga mas modaghan pa ang mga dula ug kalihokan sa sunod tuig nga Scholars’ Cup.

 

Nasayran ang Scholars’ Cup gisalmotan sa walo ka clusters nga gilangkoban sa mga city scholars gikan sa nagkadaiyang tunghaan ug barangay. Anaa usab ang mga deaf city scholars uban sa tumong na ma-promote ang ‘inclusivity’ sa maong kalihokan.

 

Ang tibuok kalihokan nagmalampuson uban sa suporta ni Mayor Klarex Uy, Committee on Education Chairperson City Councilor Suzette Magtajas-Daba, Sangguniang Kabataan Federation President Kenneth John Sacala kinsa maong usab chairperson sa Committee on Sports and Youth Development, mga partner schools, City Social Welfare and Development - Persons with Disabilities Section, lakip mga ginikanan sa city scholars. (Text by Nica Borja/ photos by Nica Borja and Alixes Gemao/CIO)