Miduyog ang kagamhanan ning syudad sa pagsaulog sa ‘Women with Disability Day’ pinaagi sa pagpahigayon og Capacity Development Training, Marso 31, diha sa City Tourism Hall, ning siyudad.

 

Gihisgutan sa training ang kalabot sa ‘Substance and Drug Abuse’ sa Philippine Drug Enforcement Agency (PDEA); ‘Safe Spaces Act’ ni Atty. Venamay Celeste sa CSWD ug ‘Self Love’ nga gipaambit ni Persons with Disabilities Affairs Office (PDAO) Head Maria Liza Corpuz.

 

Mipadayag usab sa ilang suporta sila si City Gender and Development Focal Person Sol Paeste-Mosqueda, City Social Welfare and Development (CSWD) Department Head Annie Tongson ug mga representante gikan sa Soroptomist International of the Americas Philippine Region.

 

Ang maong kalihokan mao ang nagtapos sa kasaulogan sa National Women’s Month ug kini nahimong posibleng pinaagi sa City Gender and Development Focal Point System, City Social Welfare and Development Department- Persons with Disabilities Section, uban sa Persons with Disabilities Affairs Office (PDAO). (NLB/CIO/photos courtesy of CSWD)