MIBISITA sa kagamhanang lokal sa Cagayan de Oro pinaagi sa City Local Environment and Natural Resources Office (Clenro) ang mga representante gikan sa Coca-Cola Foundation USA nga si Mr. Jeff Denby, Coca-Cola ASEAN nga si Ms Anna Dear ug World Wide Fund for Nature-Philippines aron paghisgot ug paghatag sa ilang suporta sa solid waste management program sa syudad.

 

Ang maong pagbisita nagtumong sa pagpalig-on sa paningkamot sa SWM ilabina sa mga pagpatuman sa mga programa sa syudad diin lakip sa ilang gisusi ang Bgy 22, Farmers Agriculture Cooperative sa Brgy Pagatpat ug Cagayan de Oro Centralized Materials Recovery Facility lakip ang Composting and Eco Brick Facility niini.

 

Subay niini, dako ang pasalamat ni Clenro Department Manager Engr Armen Cuenca ug Asst Department Manager Elvisa Mabelin sa kahigayonan nga gihatag sa Coca Cola Foundation USA ug ASEAN ug sa ilang suporta alang sa pagpalig-on sa solid waste management programs.

 

Lakip sa mibisita ang Coca-Cola Philippines. (ACM/CIO/grabbed photos from Clenro CDO)