Human sa kapin usa ka buwan nga paghunong tungod sa election protocol nga gi-implementar sa Commission on Elections, mibalik na ang "Klarex nga Serbisyo sa Baryo" (KSB), adlaw'ng Sabado, Abril 5, ning tuig.

 

Ang maong programa gidala og balik sa Barangay Besigan aron paghatod sa mga batakang serbisyo alang sa katawhan, ubos sa pagpangulo ni City Administrator Atty. Roy Hilario Raagas.

 

Miabot sa 1,945 ka mga lumolupyo sa Barangay Besigan ang naserbisyohan sa city hall ubos sa pamunoan ni Mayor Rolando “Klarex” Uy.

 

Nagkahiusa ang tibuok pwersa sa city hall sa paghatod sa nagkalain-laing serbisyo alang sa kaayohan sa komunidad. Apil sa mga serbisyo ang libreng medical check-up, tuli, eye care ug medisina ug uban pa alang sa mga residente sa Besigan.

 

Bisan pa sa kalayo sa maong barangay gikan sa sentro sa dakbayan, nagpadayon gihapon ang paningkamot ni Mayor Klarex nga madala ang serbisyo hangtod sa lagyo nga bahin ning syudad.

 

Tipik kini sa tinguha ni Mayor Klarex nga mapaduol sa gobyerno ang katawhan ug ang katawhan mapaduol ngadto sa gobyerno. (MDS/CIO/ PHOTOS BY: JOMAR FIGURACION/CIO)