ANG kagamhanan sa syudad ubos sa administrasyon ni Mayor Rolando `Klarex’ Uy hugtanon nga nagpatuman sa mga programa sa agrikultura aron matabangan ang mga mag-uuma nga mahimong malampuson nga negosyante sa agrikultura.

 

Alayon niini, nagpahigayon og Capacity Development Training alang sa Kiapo Palalan Farmer Irrigators Association (KIPAFIA) sa Barangay Tablon ang City Agriculture Office (CAO) aron masuportahan ang ilang Greenhouse Onion Production.

 

Nakapahimulos usab sa susamang programa ang Clustered Abaca farmers sa Barangays Besigan ug Tignapoloan aron matabangan sila sa ilang pag-apply og proyekto ngadto sa Department of Agriculture (DA-10).

 

Gipasabot ni Engr. Paterno Gonzales, dep’t manager sa CAO, nga gihingusgan pag-ayo sa administrasyon ni Mayor Klarex nga magmalampuson ang mga programa sa syudad alang sa pag-uswag sa agrikultura ug molambo ang produksiyon sa mga mag-uuma. (ALR/CIO/Photos from CAO)