MAPASALAMATON sa Klarex nga Serbisyo sa Baryo Program ni Mayor Klarex' ang mga kabatan-onan bisan pa sa hilit nga barangay ning syudad sama sa Barangay Besigan diin maoy gibisitahan sa kagamhanang lokal ug pagdala sa serbisyo, adlaw’ng Sabado Abril 5, 2025.

 

Si Erniel T. Lundaan, usa ka Grade 12 student sa General Academic Strand (GAS) ug kasamtangang SSLG President sa Besigan National High School, mipadayag sa iyang kalipay ug pagpasalamat sa oportunidad nga gihatag ni Mayor Klarex sa ilang komunidad.

 

Kanunay’ng honor student ug nangandoy nga mahimong magtutudlo, gilaoman ni Erniel nga makabenepisyo sa city scholarship program ni Mayor Klarex alang sa kurso nga Education.

 

Matud ni Erniel, 'Kini ang husto nga higayon para sa mga kabatan-onan sa kabukiran nga adunay damgo. Bisan layo mi sa sentro, wala gayud magduha-duha si Mayor Klarex sa pag-abot dinhi.'

 

Ang iyang testimonya nagpamatuod sa tinuod nga intensyon sa administrasyon nga ipadangat ang serbisyo ug oportunidad sa tanang sektor, ilabi na sa mga batan-ong naningkamot nga makab-ot ang ilang pangandoy alang sa kaugmaon.

 

Kini usa sa mga tumong ni Mayor Klarex nga mapaduol ang gobyerno ngadto sa katawhan ug ang katawhan mapaduol ngadto sa gobyerno. (MDS/CIO Photos by JOMAR FIGURACION)