Gihangyo ug gipahinumduman ni Mayor Rolando `Klarex’ Uy ang tanang department managers nga siguraduhong mapaabot ngadto sa katawhan ang mga serbisyo nga ilang gikinahanglan gikan sa tagsa-tagsa nila ka mga departamento.

 

Kini ang pamahayag ni Mayor Klarex atol sa regular nga management committee meeting sa mga department heads, Martes Abril 8, 2025.

 

Gipasalamatan usab sa mayor ang tanang mga department heads sa ilang pagpatuman sa mga programa sa syudad ilawom sa RISE Agenda.

 

“Kung wala kamo ug ang inyong tabang wala usab akoy mahimo sa pag-alagad sa katawhan,” dugang ni Mayor Klarex. (ALR/CIO/Photos by Kim Zaldivar/CIO)