Gidala ug gipahigayon karong adlawa, Abril 12, ang 'Klarex nga Serbisyo sa Baryo' (KSB) ni City Mayor Rolando 'Klarex' Uy sa Barangay Consolacion ning syudad.

 

Ang maong programa nagtinguha sa paghatod sa mga batakang serbisyo gikan sa City Hall diha sa tugkaran sa katawhan sa kabarangayan.

 

Nasayran nga 2,394 ka mga lumolupyo sa Barangay Consolacion ang nakapahimulos sa maong KSB-outreach program.

 

Lakip sa mga serbisyo mao ang medical services sama sa libreng check-up, eye care, tuli, pagpahimulos sa dental services sama sa pag-ibot og ngipon, ug libreng medisina. Apil usab ang legal services nga nag-apil sa libre nga notaryo, legal advice ug uban pang tabang.

 

Kini nga programa kabahin sa prinsipyo ni Mayor Klarex sa pagpangalagad sa publiko nga 'ang katawhan duol sa gobyerno ug ang gobyerno duol sa katawhan'. (MDS/CIO/PHOTOS BY: KIM ZALDIVAR/CIO)