MALAMPUSONG gipahigayon ang 3kilometer FUN Run ug Zumba for a cause agi'g pagbukas sa Solo Parents week, Abril 23, diha sa Rio de Oro Boulevard, ning siyudad.

 

Kini gisalmotan sa mga solo parent gikan sa nagkadaiyang barangay uban sa ilang mga anak.

 

Gani ang Top 10 nakakuha sa medals samtang nakakuha usab sa cash prize ang Top 3.

 

Nasayrang ang portion sa nakolekta nga registration fee mapadulong sa Solo Parent City-Wide Federation.

 

Tumong sa maong kalihokan ang pag-ila sa bili sa mga solo parent sa tibuok siyudad subay sa tema sa Solo Parent week ning tuig nga "Solo Parent na Rehistrado, sa Gobyerno tiyak na Protektado." (NLB/CIO/photos by Reynan Baylin/CIO)