DAKO ang pagpasalamat sa napulo (10) ka mga benepisyaryo sa land title program sa syudad kang Mayor Rolando `Klarex’ Uy human ilang nadawat ang titulo sa yuta Miyerkules Abril 30, 2025.

 

Si Engr. Armen Cuenca, head sa Land Management Asset Office (LAMO) nga maoy nagpasiugda sa maong kalihokan namahayag nga ang mga benepisyaryo pulos mga molupyo sa Macanhan Barangay Carmen diin ang relocation site ubos sa kanhi Piso-piso program.

 

Nunot niini, gipahinumduman ni Mayor Klarex ang mga benepisyaryo nga ampingan ang titulo sa yuta nga ilang nahuptan kay dili tanan nahatagan og titulo sa yuta ubos sa pagpaningkamut sa gobiyerno. (ALR/Photos by Rod Constantino/CIO)