Malampusong gipahigayon ang ika-10 nga ‘Oro Youth Leaders Convergence’ kagahapong adlawa, Mayo 1 diha sa Dynasty Court Hotel, ning siyudad.

 

Ang convergence usa ka tigum sa mga batan-ong lideres gikan sa nagkadaiyang youth organizations. Atol sa maong convergence, gibalik lantaw ang mga kalampusan sa mga kabatan-onan sa miaging tuig diin mismo si Sangguniang Kabataan Federation Cagayan de Oro President Kenneth John Sacala ang mi-presentar niini.

 

Gihisgutan usab sa Oro Youth Development Council ang kasamtangang sitwasyon sa mga kabatan-onan ug mi-gahin sa 'stories of hope' ang mga nagkadaiyang respresentante sa youth sector.

 

Ang Oro Youth Leaders Convergence inisyatiba sa Oro Youth Development Office, uban sa Oro Youth Development Council ug Sangguniang Kabataan Federation - Cagayan de Oro.

 

Tumong niini ang pag-build up sa partnerships ug networks tali sa mga batan-ong lideres aron madugangan ang ilang kahibalo sa sitwasyon sa mga kabatan-onan sa siyudad. (NLB/CIO/photos by Roel Felicitas/CIO and photos courtesy of Oro Youth)