Mapasalamaton ang 12 ka youth organizations ning siyudad human nakabenepisyo sa libreng capacity building workshop sa gipasiugdahan sa LEaP! Programme uban sa Oro Youth Development Office ug Out-of-School Youth Development Alliance (OSYDA)- CDO, Abril 28 hangtud May 1, diha sa N Hotel, ning siyudad.

 

Ang maong youth organizations giilang recipients sa financial grant sa LEaP! Programme. Lakip sa mga nakat-onan sa mga youth organizations mao ang life skills, digital skills, work readiness, civic engagement, positive youth development, child rights, ug protection batok sexual exploitation and abuse.

 

Gani, ang workshop usa sa mga lakang aron matun-an sa mga youth organizations ang essential skills ug trainings alang sa pag-implementar sa ilang mga proyekto.

 

Hisayrang ang Learning to Earning Pathways (LEaP!) programa sa UNICEF Philippines, uban sa Ateneo Learning and Teaching Excellence Center (ALTEC) sa Ateneo de Zamboanga University (AdZU) nagtumong nga madugangan ang kahanas sa mga marginalized Filipino youth ning henerasyon.

 

Alang sa interesadong youth organizations, mahimong i-contact si James Sandy Galamiton kinsa mao'y project coordinator sa (LEaP!) Programme sa Cagayan de Oro area. (NLB/CIO/photos by Nica Borja and Roel Felicitas/CIO)