AGI’G pagsaulog sa National Literature Month sa bulan sa Abril, malampusong gipahigayon sa kagamhanang lokal sa Cagayan de Oro pinaagi sa City Museum and Heritage Studies Center kauban ang Nagkahiusang Magsusulat sa Cagayan de Oro (NAGMAC) ang seminar-workshop mahitungod sa ‘Writing and Publishing the City of Gold’ niadtong Abril 26, 2025.

 

Misalmot sa nasangpit nga pagbansay ang nagkadaiyang sektor gikan sa mga tinun-an, magtutudlo, professional, bloggers ug content creators sa dakbayan.

 

Laraw niini nga palig-unon ang local cultural networks ug pagpakitag suporta sa mga bag-ong manunulat alang sa pagpalambo sa ilang kahibalo ug kahanas sa literatura. (AGP/Photos by City Museum and Heritage Studies Center)