DAKONG garbo ug kalipay ni Mayor Rolando “Klarex” Uy nga nasakmit sa unang higayon ubos sa iyang liderato ang ‘Seal of Good Local Governance’ kon SGLG award tungod sa paningkamot ug pagtinabangay sa tibuok burukrasya sa Cagayan de Oro.

 

Ang SGLG usa ka pasidungog, incentive ug recognition-based program sa DILG alang sa tanang local government units (LGU) sa ilang padayong paglambo ug pagpatuman sa sihag nga paggamit sa pundo sa gobyerno.

 

Basi sa maong pasidungog, kinahanglan nga masubay sa usa ka LGU ang 10 ka governance areas aron masakmit ang SGLG award.

 

Kini mao ang: Financial Administration and Sustainability, Disaster Preparedness, Social Protection and Sensitivity, Health Compliance and Responsiveness; Sustainable Education, Business Friendliness and Competitiveness, Safety, Peace and Order, Environmental Management.