MIABAG ang pipila ka pribadong sektor ingon man ang LGU CDO ug mga kahimanan mismo ni Mayor Klarex Uy sa paghakot sa mga basura sa syudad sa tinguha usab nga masolusyonan ug matabangan ang Tencil Environmental Management, kinsa maoy nakakontrata nga garbage collector sa ilang problema sa koleksyon sa basura.

 

Partikular nga gitutokan sa koleksyon ang mga dapit sa tibook syudad, diin dili na maagpasan sa Tencil ang paghipos sa nagtapok nga mga basura.

 

Kahinumdoman nga mipasalig ang Tencil nga mahakot na ang nagtipun-og nga mga basura sa syudad karong adlawa, Huwebes Mayo 22 human usab kusganong gimando sa kagamhanang lokal ubos ni Mayor Klarex ang pagtuman nila sa nalatid sa kontrata. (ACM/CIO Photos by Reynan Baylin)