Madawat na sa dili madugay ang clothing allowance alang sa mga opisyal ug kawani sa city hall.

 

Kini human nagpagula si City Mayor Rolando ‘Klarex’ Uy og kamandoan pinaagi sa Memorandum No. 2025-MM 690, Mayo 28 ning tuig nga naghatag og panugot sa Local Finance Committee nga sugdan na ang pag-proseso sa mga payroll alang sa Uniform/Clothing Allowance.

 

Ang balor P7,000 clothing allowance gikaltasan na og P1,200 alang sa tela sa usa ka set nga Filipiniana-inspired uniform (barong ug karsones) sa mga kawani, ug busa P5,800 na lang ang madawat sa matag kawani.

 

Gihatagan na usab og diskresyon ang matag opisina ug departamento nga mangita og kaugalingong mananahi sa uniporme tungod sa kadaghan sa mga empleyado sa city hall. (CIO)