SUBAY sa Republic Act 9003 o Ecological Solidwaste Management Act of 2000, gihangyo ni Mayor Klarex Uy ang katawhan sa pag-kooperar ug pagsunod sa saktong waste segregation sa matag panimalay.

 

Sa mensahe ni Mayor Klarex atol sa pagpakayab sa nasudnong bandila adlaw’ng Lunes sa city hall, iyang gipasabot sa mga kawani ang dako nga kaakohan sa matag usa basi sa RA 9003 aron makab-ot ang kahinlo ug masulosyonan ang suliran sa basura.

 

Nasayran nga nalatid sa maong balaodnon ang kaakohan sa matag tawo diha sa segregation o paglain-lain sa basura ilabina sa mga magamit ug mapuslan pa.

 

Ubos sa maong balaodnon, ang barangay ang gitahasan sa pagkolekta sa mga mapuslan o ma-recycle pa samtang kaakohan usab sa syudad pinaagi sa gikontratang garbage collector ang pagkuha sa mga dili na mapuslan. (ACM/CIO Photos by REYNAN BAYLIN)