NAGMALAMPUSON ang pinakaunang SK Dancesport Competition with a cause nga gipahigayon kagahapong adlawa, Hunyo 4, diha sa City Tourism Hall, ning siyudad.

 

Ang maong kompetisyon gibahin sa nagkadaiyang kategorya sama sa Solo event category, duo event category, Couple’s 3 dance event category - and Couple’s 5 dance category. Kini gisalmotan sa mga youth, junior, juvenile ug third kind gikan sa nagkadaiyang eskwelahan, barangay ug uban pa.

 

Nasayran nga ang kitaon niini mapadulong sa Home Care for Girls sa City Social Welfare and Development Department kon shelter alang sa mga giabandona nga babayeng menor de edad.

 

Ang 1st SK Dancesport Competition with a cause inisyatiba sa Sangguniang Kabataan Federation of Cagayan de Oro, Cagayan de Oro City Dance Teachers Organization, Oro Youth Development Office, City Sports Commission ug Department of Interior and Local Government- Cagayan de Oro kansang tumong ang mapalambo ug mapaila ang Dancesport isip kabahin sa major sports development program sa dakbayan ug mapalambo ang talento sa dancesport mga kabatan-onan ilabina ngadto sa mga Out-of-School youth ingon usab sila mapadala sa mga dancesport competition. (NLB/CIO/photos by Roel Felicitas/CIO)