HUMAN gipaminaw ug gihataga’g konsiderasyon ni Mayor Rolando `Klarex’ Uy ang mga reklamo ug kabalaka sa pipila ka mga transport group, ug operators partikular na mga traditional PUJs, nahukman nga magpadayon ang daan nila nga ruta.

 

Ang desisyon ni Mayor Klarex giubanan usab ni Bise Mayor Jocelyn Rodriguez, City Councilor Edgar Cabanlas, ug nadungog sa representante sa Land Transportation Franchising and Regulatory Board (LTFRB-10), ug sa Roads and Traffic Administration (RTA).

 

Matud ni Mayor Klarex nga ang kaayohan sa tanan ang ilang gitan-aw sa maong desisyon sa tinguha nga matun-an ang bag-ong ruta ug mahimoan og bag-o basi sa mga sugyot sa mga operators sa traditional PUJs.

 

Ang pagka walay pasahero ug income hinungdan sa pagka alkanse ang pipila lamang sa daghang mga rason nga gipaabot sa maong transport group.

 

Una nang gipasabot ni Mayor Klarex nga ang pagpatuman sa Local Public Transport Route Plan (LPTRP) kamanduan sa national government hinungdan nga gipatuman kini sa syudad.

 

Ug ang full implementation niini niadtong Hunyo 3, 2025, usa lamang ka dry run ug walay mando nga pagpangdakop. (ALR/CIO/Photos by Reynan Baylin/CIO)