NANUMPA na sa iyang katungdanan isip mayor sa dakbayan sa ikaduhang termino si Mayor Rolando “Klarex” Uy atol sa kasaulogan sa ika 75th nga kasumaran sa pagkahimugso sa Cagayan de Oro ug City Mayor’s Term Report adlawng, Lunes, Hunyo 16 ning tuig.

 

Ang pagpanumpa ni Mayor Klarex gihimo atubangan ni Punong Barangay Ruben Obsioma sa Brgy Taglimao nga gisaksihan usab sa iyang pamilya, Brgy Kagawad Lorna Uy mga apo ug sa katawhan sa dakbayan.

 

Nanumpa usab si Vice Mayor Jocelyn “Bebot” Rodriguez ingon man si 2nd District Congressman Rufus Rodriguez atol sa susamang kasaulogan atubangan ni Judge Vincent Filomeno B. Rosales.

 

Ang City Mayor’s Term Report usa sa mga mahinungdanong kabahin sa kasaulogan diin gisaysay ni Mayor Klarex ang mga kalampusan ug kalamboan sa syudad ubos sa iyang pagdumala sa unang termino ingon man gipadayag niini ang mga laraw ug mga progama kalabot sa mas mauswagon nga dakbayan sa ikaduhang termino. (ACM/CIO Photos by KIM ZALDIVAR, JUN CAÑETE, REYNAN BAYLIN, ROEL FELICITAS, JOMAR FIGURACION, JAY ARANCON)