SA iyang ikaduhang termino, misaad si Mayor Rolando ‘Klarex’ Uy nga iyang palig-onon pa ang paghatod sa mga serbisyo sa City Hall diretso sa katawhan sa Cagayan de Oro.

 

Matod ni Mayor Klarex atol sa iyang City Mayor’s Term Report (CMTR) adlaw’ng Lunes Lunes, Hunyo 16, nga 'Lahi nga klase sa commitment ang akong gusto itanyag—liderato nga motubag sa karon ug magtan-aw sa kaugmaon.'

 

Ang programa gisugdan sa Santos nga Misa diin gitambongan kin isa mga bag-ong napili nga mga opisyal sa siyudad, ingon man mga opisyal sa barangay, mga representante sa nasyonal nga ahensya, kapulisan, kasundalohan ug mga kawani sa City Hall.

 

Gibalik-lantaw ni Mayor Klarex ang mga kalampusan sa unang tulo ka tuig sa iyang termino, diin pinaagi sa ‘Klarex Nga Serbisyo Sa Baryo’ (KSB), Kasalan ng Bayan, ug Suroy² sa Baryo, nahatud niini ang serbisyo sa mga kabarangayan, ilabi na sa mga lagyo nga kabukiran.

 

Gipadayag usab ni Mayor Klarex nga matibawas ang mga kasamtangang nasugdan nga proyekto sama sa hospitals ug pagtukod og mega health centers aron mapagaan ang JR Borja General Hospital (JRBGH).

 

Sa kinatibuk-an, mas gipalig-on ni Mayor Klarex ang iyang paningkamot nga mapadali ug mapaduol ang serbisyo sa katawhan pinaagi sa tinuoray nga pagpangalagad alang sa katawhan sa dakbayan. (MDS/CIO/Photos by: Jomar Figuracion, Roel Felicitas, Jun Cañete, Kim Zaldivar, Reynan Baylin, Jay Arancon/CIO)