NAAPROBAHAN na sa City Anti-Drug Abuse Council (CADAC) sa administrasyon ni Mayor Rolando `Klarex’ Uy ang draft ordinance nga magpalig-on sa Barangay Anti-Drug Abuse Council (BADAC) human sa lima ka tuig sa makuting pag-umol atol sa regular meeting sa Council bag-ohay lang ug kasamtangan naduso na ngadto sa 20th City Council alang sa tukmang aksyon.

 

Ang sugyot ordinance mao ang “Ordinance Ensuring That All Budget Proposals Forwarded By All Barangays Of This City Have Complied With the Mandatory Budgetary Allocation For The Operation Of The Barangay Anti-Drug Abuse Council And Establishing A Support Fund For All The Barangay Anti-Drug Abuse Council Of The City”.

 

Si City Councilor Romeo Calizo, co-chairman sa CADAC malaumon nga maaprobahan sa 20th City Council ang maong draft ordinance kay dako kini og matabang sa kalihokan ug pagpalambo sa BADAC aron mas aktibo ang pagpatuman sa mga programa ug kampanya batok sa gidiling druga. (ALR/CIO/Photos by Roel Felicitas/CIO)