MALAMPUSONG gipahigayon sa City College of Cagayan de Oro ang Take Pride kon nagkadaiyang kalihokan nga gilatag isip pagsaulog sa Pride month, Hunyo 20-21, diha sa West Concourse, Limketkai Event Center, ning siyudad.

 

Atol sa maong kalihokan, gibuksan ang Pride Exhibit ug adunay mga pakigpulong kalabot sa Pride.

 

Anaa usab ang paglagda sa petition alang sa pag-ila sa mga medical rights sa LGBT couples sa mga city-owned and controlled medical facilities.

 

Dugang niini, gipahigayun ang usa ka pet fashion show ug mga indigay sama sa Hip-Hop Dance Competition ug Drag show competition.

 

Ang Take Pride gipasiugda sa City College of Cagayan de Oro, City Gender and Development Focal Point System uban sa Sangguniang Kabataan Council of Barangay Gusa, Andam Higala ug uban pa kansang tumong ang pagsaulog ug pagdawat sa mga miyembro sa Lesbian, Gay, Bisexual, Transgender, Queer, Questioning, Intersex, Asexual community (LGBTQIA+) community sa siyudad. (NLB/CIO/photos courtesy of Take Pride)