UBAY-UBAY ka mga malapason sa balaod trapiko, ug mga ambulant/sidewalk vendors ang naisyuhan og citation tickets ug nakuhaan sa ilang paninda atol sa gipahigayon nga clearing operation sa mga sakop sa Night Market Management Committee.

 

Mga drivers nga nag-illegal parking ug mga sidewalk vendors nga namaligya sa wala gitugot nga lugar ug naka-obstruct sa dalan ug sa dagan sa trapiko ang nasapon sa Roads and Sidewalk Clearing Unit (RasCU) sa Roads and Traffic Administration (RTA).

 

Lakip usab sa gidakop ug gi-impound ang pipila ka mga trisikad ug motorsiklo nga walay rehistro.

 

Kanunay naghangyo si Mayor Rolando `Klarex’ Uy sa mga ambulant ug sidewalk vendors nga dili mamaligya sa mga lugar nga wala gitugot ilabina diha sa dalan J.R. Borja ug Capt. Vicente Roa human sila gibalhin ug gihatagan og puwesto aron makapadayon sa ilang panginabuhi.

 

Apan daghan sa mga vendors ang nagmagahi sa hangyo ni Mayor Klarex hinungdan nga hugtanon niining giaghat ang mga personahi sa Night Market Team, RTA ug City Economic Enterprises and Business Development Administration (CEEBDA) nga hingusgan nga wala nay mamaligya sa gitumbok nga mga dalan. (ALR/CIO/Photos from RasCU/Night Market Team)