SA tinguha nga maminusan ang grabe nga pagbaha sa mga barangay palibot sa Bitan-ag creek, nagpahigayon sa ilang regular nga clean-up drive ang mga sakop sa Hapsay Sapa Team sa syudad ubos sa administrasyon ni Mayor Rolando `Klarex’ Uy.

 

Ang pag-atiman sa mga creeks ning syudad aron dili kini mabara ug hinungdan sa pag-awas sa tubig sa creek panahon sa pag-ulan, ang usa sa mga programa nga gipatuman ni Mayor Klarex pinaagi sa Hapsay Sapa nga gipangulohan ni Patrick Gabutina.

 

Alayon niini, naglaum si Mayor Klarex nga dili na unta maglabay og basura ang katawhan partikular na ang nanimuyo palibot sa mga creeks ug sapa aron magpabilin nga limpyo ug malikayan ang pagbaha. (ALR/CIO/Photos from Hapsay Sapa)