NAKASUBAY ug padayon nga nagsunod sa Suggested Retail Price (SRP) ang mga establisimento ning syudad sa mga basic necessities, ug prime commodities, sigun kini sa pag-monitor sa Department of Trade and Industry-Misamis Oriental Provincial Office (DTI-MisOr) atol sa gipahigayon nga 2nd regular quarter meeting sa Cagayan de Oro City Price Coordinating Council (CDO-CPCC).

 

Mga presyo sa mokabat 144 ka mga basic necessities ug prime commodities ang gi-monitor sa DTI-MisOr gikan sa 46 ka mga dagkong establisimento diin ang tanan pulos nagsunod sa SRP.

 

Alayon niini, ang CDO-CPCC ubos sa administrasyon ni Mayor Rolando `Klarex’ Uy mapasalamaton sa mga establisimento sa pagsunod sa SRP ug wala nagpahimulos sa panahon ilabina sa kasamtangang kagubot sa laing nasud.

 

Samtang naglaum usab si CPCC co-chairman Atty. Jose Edgardo Uy nga sundon kanunay sa mga establisimento ang SRP aron dili mabug-atan ang mga konsumante. (ALR/CIO/Photos by Reynan Baylin/CIO)