GIDAPIT ang tanang mahiligon og palupad og tabanog nga magpahigayon og Recycled Kite Contest karong umaabot Hunyo 28 sugod alas 10:00 sa buntag sa Isla de Oro ning syudad.

Una nang gitakda ang maong kalihukan niadtong Hunyo 12 atol sa kasaulogan sa 75thCharter Day apan gisibog kini tungod sa dili maayo nga panahon.

Ang Recycled Kite contest alayon sa “Limpyo nga Hangin, Magtabanog Ta Uy – Year III gipasiugdahan sa City Local Environment and Natural Resources Office (Clenro) ubos usab sa 2025 Environment Month Celebration nga nagdala sa tema karong tuiga nga “Ending Pollution.”

Ang kite contest mahimo’ng grupo o individual contestants gamit ang recyclable materials
Ang judging criteria magbasi sa design, flight performance ug originality.

Alang sa mga interesado mahimo pang magpre-register pinaagi sa pagsulat sa complete details nga makuha via Google Form:

https://docs.google.com/.../1FAIpQLS.../viewform...(ACM/CIO)