MAGAMIT na sa dili madugay ang waste water treatment facility sa Carmen market human kini gisugdan pagtukod pinaagi sa inisyatiba sa City Economic Enterprises and Business Development Administration (CEEBDA) ubos sa administrasyon ni Mayor Rolando `Klarex’ Uy.

 

Kamulo usab ang pagtrabaho sa susamang proyekto diha sa Cogon Market.

 

Si CEEBDA General Manager Sean Molig mipasabot nga gitutokan kini nga proyekto aron masiguro ang compliance sa Deparment of Environment and Natural Resources-Environmental Management Bureau (DENR-EMB) nga mga regulasyon ug maayo nga sistema sa sanitasyon ug kahinlo sa merkado.

 

Ang katukoran sa nasangpit nga proyekto usa sa maayong mga lakang sa administrasyon ni Mayor Klarex alang sa limpyo, luwas nga merkado alayon sa iyang CDO-RISE Agenda. (ALR/CIO/Photos by Jomar Figuracion & Augusto Cañete/CIO)