MOABOT sa 16 ka mga pampublikong tunghaan sa sekondarya sa Cagayan de Oro ang nagtigi sa gipahigayon nga 1st Mayor Rolando ‘Klarex’ Uy – Kinaadman sa Kasaysayan, literary & speech contest nga naglangkob sa quiz bowl, oratorical contest, ug postermaking, Hunyo 27, diha sa SM CDO downtown premier.

 

Mapasalamaton ang syudad sa Department of Education - Division of Cagayan de Oro sa aktibong partisipasyon sa mga tinun-an gikan sa Agusan National High School, Balulang NHS, Bonbon NHS, Bugo NHS, Bulua NHS Patag Annex, Cagayan de Oro NHS Junior High, Camaman-an NHS, Canitoan NHS, GUSA Regional Science High School, Carmen Science High School, Lapasan NHS, Pedro Oloy Roa NHS, Lumbia NHS, Puerto NHS, Cugman NHS ug Kauswagan NHS.

 

Mapasigarbuhong gipakita sa mga tinun-an ang ilang mga talento, kahanas ug kahibalo mahitungod sa kasaysayan sa dakbayan.

 

Kampyon sa natad sa quiz bowl ang mga tinun-an gikan sa Gusa Regional Science High School nga adunay cash prize nga 15,000 pesos, plaque ug medals.

 

Gisundan kini sa Camaman-an National High School isip 1st runner up nga adunay cash prize nga 10,000 pesos, plaque ug medals. Samtang nasakmit isip 2nd runner up usab ang mga tinun-an sa Lumbia National High School nga adunay 5,000 pesos cash prize, plaque ug medals.

 

Alang sa oratorical competition, subling naangkon sa Gusa Regional Science High School ang kadaogan isip kampyon nga adunay 10,000 pesos cash prize, plaque ug medal. Samtang nahimong 1st runner up ang Lapasan National High School nga adunay 7,500 pesos cash prize, plaque ug medal ug gisundan sa 2nd runner up gikan sa Bugo National High School nga adunay 5,500 cash prize, plaque ug medal.

 

Subling nasakmit sa Gusa Regional Science High School ang kadaogan human nahimong kampyon sa alang sa poster-making contest nga adunay 10,000 pesos cash prize, plaque ug medal.

 

Nagsilbing 1st runner up ang Cugman National High School nga adunay 7,500 cash prize, plaque ug medal ug nahimong 2nd runner up ang Kauswagan National High School nga adunay 5,500 cash prize, plaque ug medal.

 

Ang 1st Mayor Rolando ‘Klarex’ Uy – Kinaadman sa Kasaysayan, literary & speech contest gipasiugdahan sa City Tourism and Cultural Affairs Office uban sa hugot nga suporta sa Local School Board, City Museum & Heritage Studies Center ug Rotaract Club of Carmen Valley alayon sa 75th Charter Day celebration sa Cagayan de Oro. (AGP/Photos by Jay Arancon/CIO)