GIPAHIGAYON sa Rotary Club of Cagayan de Oro ang unveiling ceremony sa ‘supplemental marker’ nga nahimutang sa luyo nga bahin sa pedestal sa Justiniano Borja monument diha sa JR Borja & Kiosko Kagawasan Park, Divisoria Plaza ning syudad, Hunyo 30, 2025.

 

Ang hamubo nga programa gipangulohan nila ni Rotary Club President Neil Ronald Que ug Project Chairman & Immediate Past President Tito Noel Mora ug sa pamilyang Gorospe.

 

Dumduman ang JR Borja monument ginama sa National Artist nga si Napoleon Abueva human gi-komisyon sa Rotary Club of Cagayan de Oro ubos sa termino ni Benjamin K. Gorospe tuig 1977-1978.

 

Laraw sa Rotary Club nga mapasidunggan ang kanhi mayor sa bililhon nga kontribusyon niini isip amahan sa dakbayan sukad 1954 kutob 1964.

 

Gipadangat usab ni Mayor Rolando Klarex Uy iyang pasalamat sa Rotary Club pinaagi ni tMr. Jan Gilmore Actub, spokesperson, kinsa nagkanayon nga ang maong kalihokan simbolo sa hugot nga panaghiusa sa syudad ug sa civil society organizations alang sa kalamboan sa dakbayan.

 

Lakip misaksi sa aktibidad ang mga personahe sa City Museum and Heritage Studies Center, City Historical Commission ug City Information Office. (AGP/Photos by Roel Felicitas/ CIO)