GIBANSAY sa Cagayan de Oro City Disaster Risk Reduction and Management Department (CDRRMD) ang moabot sa 160 ka mga barangay treasurers ug mga opisyal sa appropriations committee sa barangay council gikan sa 80 ka barangay sa Cagayan de Oro mahitungod sa ‘Standardization of the Barangay Disaster Risk Reduction & Management Fund Investment Plan (BDRRMFIP) and Barangay DRRM Fund Utilization Report System’, Hulyo 1, 2025, diha sa Tourism Hall, City Hall.

 

Kini agi’g pagsiguro sa CDRRMD nga nakasubay sa ‘adopted and approved’ nga community-based DRRM plan sa matag barangay sa mapanday nga BDRRMFIP.

 

Dumdoman atol sa 2nd quarter CDRRM full council meeting sa milabay’ng bulan gi-aprubahan ang CDRRMC resolution nga pagsagop sa standardized BDRRMFIP ug BDRRM Fund Utilization Report System nga gamiton sa 80 ka barangay ning syudad.

 

Ang kalihokan gipangulohan ni CDRRM Department Manager Nick Jabagat uban sa suporta sa Department of the Interior and Local Government - CDO, City Budget, ug City Accounting Department.

 

Kini alayon na usab sa pagtamod sa National Disaster Resilience Month sa bulan sa Hulyo. (AGP/Photos by Roel Felicitas/CIO)