MOABOT sa 610 nga mga kaigsuonang lumad sa Barangay Bayanga ang nakapahimulos sa batakang serbisyo sa panlawas gikan sa kagamhanang lokal sa Cagayan de Oro ubos sa administrasyon ni Mayor Rolando Klarex Uy, Hulyo 1, 2025 nga gipahigayon sa Bayanga covered court.

 

Ang nasangpit nga medical mission gipaluyohan sa mga buhatan sa City Health Insurance Office, Philhealth Region 10, City Health Office, JR Borja General Hospital, City Disaster Risk Reduction and Management Department, City Social Welfare & Development Department uban sa suporta sa City Public Services Office nunot sa hangyo sa Indigenous People’s Mandatory Representative (IPMR) Bayanga.

 

Lakip sa mga serbisyong gitanyag ang Philhealth First Patient Encounter, Konsultasyong Sulit at Tama (KonSulTa) registration, paghatag og Philhealth member data record (MDRs), Philhealth registration & updating, medical consultations, dental and eye-care services, pag-apod-apod sa libreng tambal, ug uban pa. (AGP/CIO/Photo courtesy of CHIO)