AGIG pagsaulog sa ika 37th National Disaster Resilience Month sa bulan sa Hulyo, nangulo sa pagbukas sa kasaulogan ang City Disaster Risk Reduction and Management Department (CDRRMD) kauban ang Office of Civil Defense region 10 ingon man partner agencies karong adlawa, Hunyo 02, 2025 diha sa JR Borja and Kiosko Kagawasan Park sa Divisoria Plaza ning syudad.

 

Usa ka motorcade ang natigayon nga gisalmotan sa nagkalain-laing private and barangay rescue and response team nga aktibo ug kanunay ang suporta ug kooperasyon sa syudad ilabina panahon sa emerhensiya ug kalamidad.

 

MIhatag sa iyang mensahe ug pasalamat si City Administrator Atty. Roy Hilario Raagas isip representate ni Mayor Klarex Uy, sa mga departamento sa City Hall ilabina sa CDRRMD sa pagpangulo ni Mr. Nick Jabagat sa ilang paningkamot nga motubag ug mapugngan ang dakong kadaot sa propridad ingon man kinabuhi nga makalas panahon sa kalamidad ug emerhensiya.

 

Gipasidunggan usab sa CDRRMD ang mga partner agencies nga kanunay kauban sa LGU-CDO sa pagpangandam ug pagtubag sa kalamidad.

 

Lakip sa misalmot sa kick-off sa National Disaster Resilience Month ang Department of Education-Division of Cagayan de Oro (DepEd CDO), Philippine Coast Guard (PCG), Bureau of Fire (BFP), Cagayan de Oro Police Office (COCPO), barangay rescue teams ug mga pribadong sector.

 

Ang National Disaster Resilience Month karong tuiga nagdala sa temang “Northern Mindanao: Kumikilos para sa Kahandaan, Kaligtasan at Katatagan.” (ACM/CIO Photos by REYNAN BAYLIN & ROEL FELICITAS)