LIMPYO ug walay naglutaw nga mga basura ang kasamtangang kahimtang sa Bitan-ag Creek kilid sa Maria Reyna Hospital human sa regular ug matag adlaw nga clean-up drive nga gihingusgan sa syudad ubos sa administrasyon ni Mayor Rolando `Klarex’ Uy pinaagi sa Hapsay Sapa Team.

 

Una nang gipadayag ni Hapsay Sapa focal person Patrick Gabutina nga matag adlaw magpahigayon og clean-up and declogging activity ang team sa tinguha nga makab-ot ang tinguha ni Mayor Klarex nga malimpyo ang mga creeks sa syudad ilabina nga panahon karon sa ting-ulan.

 

Dugang ni Gabutina, kung dili malimpyohan ang mga creeks usa kini sa hinungdan sa mga pagbaha kay barado man ang creek sa mga basura.

 

Nunot niini walay hunong ang kalihokan sa pagserbisyo ang Hapsay Sapa team alang sa kalimpyo sa dakbayan.

 

Si Gabutina naglaum nga wala ug dili na maglabay sa ilang basura diha sa creek ang mga residenti palibot sa Bitan-ag Creek aron luwas usab ang katawhan sa mga pagbaha. (ALR/CIO/Photos from Hapsay Sapa Team