MIKABAT na sa 211 ang gidaghanon sa mga Child Development Centers ubos sa administrasyon ni Mayor Klarex Uy.

 

Nasayran nga kini gidumala sa mga Child Development Teachers (CDT) diin mikabat na usab sa 208 ka CDT sa tibuok siyudad lakip 38 ka Supervised Neighborhood Play (SNP) Volunteers nga temporaryong nag-gamit sa nagkalain-laing facility sama sa waiting shed, vacant multi-purpose building ug uban pa alang sa pagsiguro nga ang 3-4 anyos nga mga bata kinsa nagpuyo layo sa mga CDC ma-atiman usab ug makadawat sa ECCD Program.

 

Ang matag CDC naglangkob sa classroom area, storage room, kitchen, child scale toilet ug playground.

 

Ang Early Childhood Care and Development Program usa sa mga priority programs ni Mayor Klarex Uy diin nagtuo man ang mayor nga bisan pa man sa kalinghud sa pangidaron sa mga kabataan nga nagtungha sa mga CDC, sila angay lamang usab nga mahatagan sa insaktong pasilidad isip pagpangandam sa kindergarten. (NLB/CIO)