MIDUYOG ang LGU-CDO pinaagi sa City Nutrition Committee sa kasaulogan sa ika-51 nga Nutrition Month, Hulyo 2, diha sa City Tourism Hall, ning siyudad.

 

Kini gibuksan pinaagi sa motorkada gikan sa Rodelsa Circle ug gitapos sa City Hall diin gisundan sa pagpanumpa sa mga miyembro sa City Nutrition Committee, Barangay Nutrition Committee (BNC), Barangay Nutrition Scholars ug paglusad sa tema sa Nutrition month ning tuig nga “Food at Nutrition Security Maging Priority! Sapat na Pagkain Karapatan Natin!.”

 

Samtang nakadawat og vegetable seeds ug seedlings ang pinili nga barangay nga mao ang Bayanga, Iponan ug Lumbia.

 

Gipasidunggan usab ang mga mananaug sa BNC Nutrifloat contest diin migulang kampyeon ang BNC sa Barangay Lumbia, 2nd place ang Barangay Carmen ug 3rd place ang Barangay Indahag.

 

Ang kalihokan gisalmotan ni City Nutrition Action Officer Caroline Cabunoc, City Health Officer Dr. Rachel Daba-Dilla, Assistant City Health Officer Dr. Ameerah Sani-Racman, National Nutrition Council X OIC Reginaldo T. Guillen, City Councilor Dok Paolo Gaane kinsa mirepresentar ni Mayor Klarex Uy, mga miyembro sa City Nutrition Committee, Barangay Nutrition Committee, Barangay Nutrition Scholars ug uban pa.

 

Ang City Nutrition Committee gipangulohan mismo ni Mayor Klarex Uy ug garbo sa iyang administrasyon nga naasakmit niini ang pinakadakong award sa nutrisyon nga mao ang Nutrition Honor award. (NLB/CIO photos by Jay Arancon and Nica Borja/ Xandi Manuelle Varga Lourdes College BS Nutrition and Dietetics- Intern)