SA unang higayon gipresentar sa City Hall atubangan ni Mayor Rolando ‘Klarex’ Uy, mga bag-ong gipiling konsehal sa syudad sa pagpangulo ni Vice Mayor Jocelyn Bebot Rodriguez, ug mga empleyado sa syudad ang 12 ka mga maanyag nga opisyal nga kandidata alang sa 60th Miss Cagayan de Oro, Hulyo 7, 2025.

 

Pormal nga gipaila-ila ni City Councilor ug Missc CDO chair Gigi Go, ang mga kandidata gikan Barangay Bulua, Carmen, Camaman-an, Gusa, FS Catanico, Kauswagan, Lapasan, Lumbia, Macabalan ug Macasandig.

 

Dumdoman nga gipahigayon ang Press & Public Presentation niadtong Hunyo 12 kung diin gipilian sa sakop sa prensa ang makaangkon sa titulong ‘Darling of the Press’.

 

Masaksihan ang preliminary competition karong Agosto 2 samtang ang coronation night ipahigayon usab sa Agosto 23.

 

Ang 60th Miss Cagayan de Oro ang usa sa major events alang Higalaay 2025 karong Agosto, agi’g pagsaulog sa kapyestahan ni Senior San Agustin, ang patron sa dakbayan sa Cagayan de Oro. (AGP/Photos by Reynan/Baylin/CIO)