IPAHIGAYON ugma’ng adlawa Hulyo 8, 2025 sa Barangay San Simon ang labing-una nga ‘SurUy-SurUy: Klarex nga Serbisyo sa Panlawas’ sa ikaduhang termino ni Mayor Rolando ‘Klarex’ Uy.

 

Dumdoman ang SurUy-SurUy, usa sa mga flagship program ni Mayor Klarex sa tinguha nga mahatagan og batakang serbisyo sa panlawas ang katawhan ilabina sa kabarangayan ug kini ipahigayon matag adlaw’ng Martes ug Huwebes.

 

Lakip sa mga serbisyong gitanyag sa SurUy-SurUy ang onsite Philhealth enrollment & updating, KonSulTa (Konsultasyong Sulit at Tama) registration, First Patient Encounter, medical consultations, dental & eye-care services , pagpanghatag og Philhealth IDs ug Member Data Record (MDRs). Ang program hini-usang gipaluyohan sa City Health Insurance Office, City Health Office, JR Borja General Hospital, uban sa suporta sa City Disaster Risk Reduction and Management Department, City Social Welfare and Development, ug City Public Services Department. (AGP/File photo/CIO)