GIDUMALA ni Vice Mayor Jocelyn “bebot” Rodriguez ang inaugural session sa 21st City Council adlaw’ng Lunes, Hulyo 7, diin gitambongan kini sa tibuok sakop sa mayoriya ug minoriya nga grupo.

 

Lakip sa mitambong ang mga konsehal sa unang distrito nga sila Konsehal Desiree Ann M. Dahino, Roger G. Abaday, Juancho Roa Pascual, Agapito Eriberto G. Suan, George Christopher Q. Goking, Moreno Y. Daba IV, Al Legaspi Sr., ug Imee Rose Moreno.

 

Samtang sa Second District mao sila Konsehal Yevonna Yacine B. Emano, Maximo T. Rodriguez III, Paolo Nicolo Gaane, Joyleen Mercedes L. Balaba, Yan Lam S. Lim, Enrico Salcedo, Gilda O. Go, ug Edgar S. Cabanlas.

 

Mitambong usab ang mga ex-officio members nga sila si SK Federation President Kenneth John Sacala, ABC President Marlo Tabac, ug City Indigenous Peoples Mandatory Representative (IPMR) Roberto Cabaring.

 

Dumdoman nga ang mga konsehal sa 21st City Council nanumpa niadtong Hunyo 16 ning tuiga atol sa Term Report ni City Mayor Rolando 'Klarex' Uy sa Limketkai Center Atrium.

 

Nagsugod ang session pinaagi sa pagpreserba sa Internal Rules of Procedure (IRP) sa 21st City Council, gisundan kini sa pag-elect sa mga opisyal sa Sangguniang Panlungsod sa Cagayan de Oro.

 

Giaprobahan usab ang napiling mga opisyal sa 21st City Council nga naglangkob kanila ni Hon. Roger Abaday isip Presiding Officer Pro Tempore, Hon. Edgar Cabanlas isip Majority Floor Leader, Hon. Joyleen Mercedes Balaba isip Assistant Majority Floor Leader, Hon. Agapito Suan isip Minority Floor Leader, ug Hon. Yevonna Yacinne Emano isip Assistant Minority Floor Leader.

 

Ang inaugural session nagpakita sa panaghiusa, liderato, ug komitment alang sa mas epektibo nga pagserbisyo sa mga katawhan sa dakbayan sa Cagayan de Oro. (MDS/CIO/Photos by: Jomar Figuracion/CIO)