TEMPORARYONG gi-suspende ni Vice Mayor Jocelyn 'Bebot' Rodriguez ang ika-upat nga regular session sa 21st City Council, adlawng lunes, Hulyo 28, ning tuig.

 

Kini aron hatagan og higayon ang surprise drug test nga gihimo sa Philippine Drug Enforcement Agency-Region X (PDEA-10).

 

Ang maong kalihukan kabahin sa City Ordinance No. 13292-2017 nga nagtumong sa pagtukod og drug-free workplace sa City Hall.

 

Ang tanang konsehal ug ilang mga staff aktibong misalmot sa maong drug test isip kabahin sa ilang suporta sa kampanya batok droga ug aron mapalig-on ang integridad sa ilang serbisyo publiko.

 

Gipasabot sa PDEA nga ang resulta sa initial screening moagi pa sa confirmatory test aron masiguro ang sakto ug tukmang proseso niini.

 

Kini nga lakang nagpakita sa seryosong paningkamot sa lokal nga konseho sa paningkamot ug sa pagsiguro sa kahimsog ug kasaligan nga panerbisyo sa dakbayan.(MDS/CIO/Photos By: Johnel Neri/CIO)