SA nagpadayon nga Klarex nga Serbisyo sa Baryo’ ni Mayor Rolando Klarex’ Uy, tulo ka mga residenti sa Barangay Pagalungan ang nakabenepsiyo sa animal dispersal program sa syudad.

 

Usa sa tulo ka mga residenti ang nakadawat og baka, samtang ang laing duha nakadawat usab og baktin nga gitunol mismo ni Mayor Klarex sa inisyatiba sa City Veterinary Office nga gipangulohan ni City Veterinarian Dr. Helen Ann Tacandong atol sa KSB sa maong barangay Hulyo 26, 2025.

 

Gipasabot ni Dr. Tacandong nga atimanon ug padak-on sa mga benepisyaryo ang ilang nadawat ug kung manganak kini mohatag sila ngadto sa City Vet aron mao na usab kini ang ipanghatag ngadto sa laing mga benepisyaryo.

 

Alayon niini, mapasalamaton ang mga benepisyaryo kang Mayor Klarex nga nahatagan sila og oportunidad nga nakapahimulos sa maong programa. (ALR/CIO/Jhoanne Abejo & Iren Fuentes/CIO)