GIDAPIT kadtong nag-edad og 18-30 anyos nga nahisakop sa Out-of-School-Youth ug gapangita og oportunidad sama sa skills training, entrepreneurship ug uban pa, nga magpre-register ug mosalmot sa Kahigayonan 2025, Piyesta sa dakbayan: Tabo sa mga Oportunidad Year 4 Skills Training and Expo nga ipahigayon karong Agosto 11-13, sa Ayala Malls Activity Center, ning siyudad.

 

Nasayran nga aduna’y gitanyag nga mga oportunidad sama sa information session sa lain-laing mga services sa agrikultura, edukasyon, entrepreneurship ug uban pa.

 

Aduna usab ipahigayon nga mga skills demonstration and exhibit para sa mga kabatan-onan nga interesado mag-paenrol sa mga mga TechVoc programs, ingon man sa ALS night school program.

 

Ipahigayon usab ang pakighinabi sa mga kabatan-onan nga adunay malampusong sugilanon, aron mapadayag ang ilang kaagi ug kalampusan nga nagtinguha sa pagdasig sa mga kabatan-onan pinaagi sa ilang madasigong istorya sa kinabuhi.

 

Gani, ma-access ang pre-registration niini nga link. http://surl.li/tvjpvs

.

Sugdan ang maong kalihokan karong Agosto 11 alayon sa kasaulogan sa International Youth Day. Gawas sa skills exhibit and training application, magtanyag usab og livelihood and entrepreneurship assistance, scholarship orientation, UY talks kon inspirational talks sa mga kabatan-onan ug variety show kon dance contest.

 

Ang maong kalihokan kabahin sa Oro Youth month nga gisaulog matag bulan sa Agosto.

 

Kini gipangulohan sa Oro Youth Development Office, inubanan sa Sangguniang Kabataan Federation- Cagayan de Oro ug mga partners diha sa Out-of-School Youth Development Alliance (OSYDA). (NLB/CIO/Infographic by OYDO)