KASAMTANGAN gipahigayun ang 15th cycle sa Supplemental Feeding Program (SFP) sa 13,377 ka gagmay'ng kabataan nga nagtungha sa mga Child Development Center sa mga kabarangayan.

 

Lakip sa "menu" mao ang rice nga giparesan og nagkadaiyang sud-an sa matag adlaw sama sa Adobong Sitaw, Beef Nilaga, Chicken Adobo, Tuna flakes with egg, Buttered chicken, Fried Fish, Chicken Tinola ug uban pa.

 

Anaa usab pancake ug Champorado ug ang pinakabag-o nga nadugang nga alternative product ang Rimo Rice-Mongo Curls ug Nutri-Combo nga mga klase sa veggie snack para sa adlaw’ng Sabado ug Domingo.

 

Ang SFP molungtad sa 120 days lakip Sabado ug Dominggo.

 

Nasayran nga kini gisugdan sa Hulyo 10 ug gilaumang molungtad hangtud bulan sa Nobyembre.

 

Kini gipundohan sa Department of Social Welfare and Development X ug gidumala sa City Social Welfare and Development – Early Childhood Care and Development Section, uban ang mga Child Development Workers, Supervised Neighborhood Play (SNP) volunteers, parents cooking committee ug mga barangay personnel. (NLB/CIO/photos courtesy of CSWD)