NAKIGTAGBO ang Night Market Management Committee (NMMC) sa mga sidewalk vendors adlaw’ng Martes, Hulyo 28 alang sa pagpatuman sa bag-ong relocation area alang kanila diha sa Justo Ramonal Osmeña padulong sa SM Downtown Osmeña area.

 

Kini aron malikayan ang traffic ug han-ay nga dagan sa mga sakyanan.

 

Subay niini gidili pa usab ang pagbaligya sa mga side vendors sugod karong Agosto 1-7 samtang giplastar pa ang ilang bag-ong lugar ingon man tungod usab sa ilang walay saktong pagsunod sa pagtapok ug paglabay sa basura.

 

Matud pa ni NMMC co-chairman Atty. Jose Edgardo Egay Uy, hatagan ug OVR ticket ang vendor nga dili mosunod sa balaod sa proper waste segregation. (DYM/CIO/Photos by Roel/ CIO)