Agig pagsiguro sa luwas nga kalingawan sa kapistahan ni Sr. San Agustin, nangulo si Councilor Roger Abaday, nga mao ang chairperson sa Committee on Games and Amusement ug Public Order and Safety, sa gipahigayong inspection sa Higalaay Carnival nga nahimutang likod sa Limketkai Complex adlaw’ng Martes, Agosto 19, isip kabahin sa preparasyon alang sa Higalaay Festival 2025.

 

Gihimo ang maong inspeksyon aron masiguro nga gisunod ang mga kinahanglanon sa seguridad alang sa katawhan. Kauban niini ang Regulatory Compliance Board (RCB) isip partner, uban ang Office of the Building Official (OBO), City Engineering Office (CEO), City Information Office (CIO) ug pipila ka miyembro sa 21st City Council nga sila Councilor Christopher George Goking ug Councilor Kenneth John Sacala.

 

Gipasabot sa mga opisyal nga tumong sa inspeksyon ang pagarantiya sa kasigurohan sa katawhan samtang naglingaw-lingaw sa mga rides ug attraction sa carnival. Gipasabot usab ni Mayor Klarex Uy nga samtang ang pista naghatag kalipay ug kalingawan sa tanan, kanunay gihapon nga giuna ang seguridad ug kaayohan sa publiko. (MDS/CIO/Photos Reynan Baylin/CIO)