NAGMALAMPUSON ang ika-5 nga Hakab sa Oro diin gisalmotan sa 130 ka nagpasuso nga inahan ning siyudad, Agosto 26.

 

Atol sa kalihokan, gisaysay ni J.R Borja General Hospital Breastfeeding and Nutrition Chairperson Dr. Shiela Mae S. Taal ang breastfeeding isip “crucial foundation” sa kahimsog nga panglawas sa inahan ug sa bata.

 

Gawas niini, mihatag ang The Xavier Science Foundation, Inc. sa hygiene kits ug ang Rotary Club of Kalayaan Cagayan de Oro pipila ka lima ka kilo na bugas.

 

Nasayrang ang 5th Hakab sa Oro mao ang key highlight sa Breastfeeding Awareness Month nga gisaulog sa bulan sa Agosto.

 

Kini usa ka pakigtambayayong sa CDO Infant and Young Child Feeding -Breastfeeding EO 51 Task Force ubos sa City Health Office ug Department of Health Center for Health Development - Northern Mindanao (DOH CHD-NM) nunot sa temang "Prioritize Breastfeeding: Create Sustainable Support Systems" kansang tumong ang pagpromote sa importansya sa breastfeeding sa mga inahan ug ang pagmugna og safe supportive na komyunidad alang kanila. (NLB/CIO/photos courtesy of CNC)