GILAUMANG madawat na karong bulan sa Septiyembre ang gikahinaman nga health allowance balor og P7,000 alang sa mga kawani sa city hall.

 

Kini human gianunsyo ni Mayor Klarex Uy ang pag-release sa maong benepisyo atubangan sa mga empleyado sa kagamhanan ning syudad atol sa pagpakayab sa nasudnong bandila, adlaw’ng Lunes, Septiyembre 1 diha sa hawanan sa city hall.

 

Nanghinaut si Mayor Klarex nga bisan sa ginagmay’ng pamaagi, makatabang ang nahisgutang health allowance sa mga kawani sa city hall, ilabina kadtong adunay gihambin nga balatian, nga makapalit sa ilang regular maintenance nga mga tambal ug medisina. (Photo by Jhoanne Abejo/CIO)