ALAYON sa kasaulogan sa World Rabies Day 2025, magpahigayon og mga kalihokan ang syudad ubos sa administrasyon ni Mayor Rolando `Klarex’ Uy pinaagi sa City Veterinary Office.

 

Pipila sa nakalinya nga mga kalihokan mao ang World Rabies Day ug Animal Welfare Week Forum karong Oktubre 1, 2025, sa Limketkai Center.

 

Magpahigayon usab og Spay and Neuter sa Oktubre 2, 2025, sa Limketkai Center.

 

Apan gipasabot ni City Veterinarian Dr. Helen Ann Tacandong nga kadto lamang naka-rehistro on line ug contacted clients ang makapahimulos sa spay and neuter ug wala gitugot ang walk-in clients.

 

Kini nga kalihokan inabagan usab sa Department of Agriculture – Regional Field Office X (DA-RFO-X). (ALR/CIO/Infog from City Vet)